海南雞飯

很想同大家分享一啲貼地又好食嘅餐廳。
希望就算你係「毒L」，一個人去都唔會覺得尷尬嘅麻甩美食。

第一次就為大家介紹一間我覺得價錢合理而唔油膩嘅海南雞飯。
唔知大家有無覺得，油尖旺雖然食肆林立，但係間間餐廳提供的食物都係好高卡，好油膩同埋又唔係特別好食。


如果你同我一樣，想出街食但又唔想過份吸收油份，咁你可以試下呢間「勝利小廚」
勝利小廚位於勝利道近培正學校方向。
其實勝利道都有好多出名的食店，不過要食得經濟唔肥又飽肚，我會選擇勝利小廚。
佢有兩款招牌菜「海南雞」同埋「滷水鴨肉」兩樣都好好味。
不過，本人比較喜歡雞多啲。


關於海南雞飯，好多餐廳都會整到個飯好油，但呢間啲飯係好清爽，而且會有淡淡的薑味。
無骨雞都係海南雞飯吸引我的地方，我不太喜歡有骨。
還有他們自家製的海南雞醬，甜、酸、辣味都是恰到好處，而且無味精。(食完唔會不停飲水)
本人覺得「勝利小廚」的海南雞飯不單只清淡可口，而且價錢都是很合理。
一碟飯加一杯熱飲都只是HK$53蚊，重要無加一服務費。
你去譚仔食碗味精米線都唔得啦﹗


日後，我都會用這個清

淡健康平民的方向和大家分享，希望大家多一個選擇。