忙碌的一天

由於外父外母上月尾已經回到香港，所以約了他們去飲茶。
本來應該係我搵埋位........不過我因為化妝化耐咗，最後遲咗半粒鐘。
去到酒樓佢地已經點好曬嘢食，真係唔好意思。
好彩外父外母大量。

今日重點係要同佢地講一個善意嘅大話。
因為想俾佢地心理準備，他日會在美國見到我。
所以，我要跟他們說我是幸運大抽獎，抽中綠卡移民美國。
外母說了一句令我安心的說話「都好，你來了美國，第日就可以同Taz互相照顧。」
好彩外父外母對我印象好，希望第日可以一起生活，相處融洽。

老婆托外母帶了生日禮物給我:) 多謝老婆。
外母外父知道我這個月生日就給我利是，外母重送我小禮物。
不過，我今日又爭輸咗，個侍應姐姐竟然叫我唔好爭。
收我外母張卡，唔收我張卡。係咪痴線架。

飲完茶，外父就先行回家，我就同外母在附近商場行街。
外母還讚我會揀衫，睇啲衫好靚。呵呵呵....

=========================================================
同外母行咗一陣街，之後就Say ByeBye
我同朋友參加咗今天同志遊行的義工隊伍。
今天是義工發報會，其實我未參加過同志遊行。
不過，義工我做好多。  我今次是負責做銷售。
幫大會義賣紀念品，到時請大家多多支持。

好開心個會比原定時間早完。因為今天爺爺幫我擺咗圍生日酒。
=========================================================
發報會完結後，我就搭西鐵去元朗。
因為我父母下星期又去旅行 (話說我媽昨天才落機....)
所以，我要提早食生日飯。
爺爺問我想食咩，我想起季季紅嘅「有米豬」。
多謝爺爺，多謝所有錫我的長輩。