自己出街食臭臭鍋

因為我未學駕車，所以如果一個人出街就要坐巴士。
我夠膽講，我嚟咗美國個零月，我坐巴士的次數比Taz住了十幾年還要多。
我覺得坐巴士對於日後駕車認路係好有幫助，好多地方我都知道要點去。

多得科技的發展，其實已經有好多APP幫你預計巴士到站時間。
但事實上你都係需要等，只係有了個預算同埋會安心啲知道不用等太久。

通常要坐40分鐘先可以出到去市中心。
還好我在香港都係住新界，坐長途車絕對OK!
今天準備去食台灣臭臭鍋，
2年前第一次食覺得香港應該要開番間啦! 一定好生意。

最近，竟然在FB見到個小學同學真係開咗間類似的，
他不是以台式做主題而係港式，例如係成鍋都係丸仔或者入面有好多肥牛。
不過我就唔幫人賣廣告啦!

自己一個食完個午餐之後，我就行咗一陣書局同超級市場。
原本打算坐5點前的巴士回家煮飯。
點知，Taz來電說她可以提早下班。
之後，我們就一齊去打美式桌球，

話說，我逢星期三會去社區中心上下啲英文班，主要係想見下人講下嘢。
我發現社區中心有免費康樂設施，所以就叫Taz找天跟我一起玩。

中心康樂活動不用收費，另外還有乒乓球、氣墊球和足球機。
不過，中心關門時間是8點。 所以不會像出面的桌球室。

玩完一輪就去食晚餐，因為我的臭臭鍋還未消化，所以只點了兩個菜，主要都是Taz吃。